Kuannersuarni suliassaq - Avatangiisinut sunniutaasussanik nalilersuineq

Aatsitassat pillugit ingerlatallu tamatumunnga pingaarutillit pillugit inatsisartut inatsisaat nr. 7, 7. december 2009-imeersoq (aatsitassanut ikummatissanullu inatsit) naapertorlugu aatsitassarsiorfiutileqatigiiffiit aatsitassarsiornermi suliassamik siunnersuutigineqartumik ineriartortitsinissamut atatillugu avatangiisinut sunniutaasussanik nalilersuinermik suliaqartussaapput.

Suliassamit avatangiisinut sunniutaasussanik nalilersuinermut siunertaavoq avatangiisinut sunniutaasinnaasut, immikkoortuni tamaginni – sananeqarnerani, ingerlanneqarnerani, matuneqarnerani aamma matuneqarnerata kingorna – aatsitassarsiorfimmik ingerlatsinermit pilersaarutigineqartumit pilersinneqartussat, suussusersineqarnissaat, eqqoriarneqarnissaat attaveqaqatigiissutigineqarnissaallu. Nalilersuinermi aamma iliuusissat iluarsiissutaasussat, avatangiisinut sunniinerlunnerit atuutsinnginnissaannik imaluunniit annikillisinnissaannik siunertaqartut suussusersineqassapput, taamaalilluni iliuusissat taakkua suliassami ineriartortitsinermi sapinngisamik ilanngunneqarsinnaassallutik.

Avatangiisinut sunniutaasussanik nalilersuinerit taakkua Kalaallit Nunaanni aatsitassanik piiaanernut avatangiisinut sunniutaasussanik nalilersuinernik suliaqarnernut  (VVM) malittarisassanut, (Malittarisassat) naapertuuttumik GML-imit suliarineqarput.  Malittarisassani sunniutaasussanik misissueqqissaarnernut piumasaqaatit suussusersineqarput, makkununnga tunngasut:

  • Avatangiisinut tunngasunut tunngaviusunik misissuinerit, ilanngullugit nunami katersuunnerit aamma assigiinngiaarneri, naasoqarfiit uumasullu kiisalu najukkami atuinissaq ilisimasallillu

  • Avatangiisini misissuinerit suliassamut attuumassuteqartut, ilanngullugit mingutsitsisuusinnaasut, soorlu saffiugassap, ujaqqat igitassat aamma tailings-it, annertussusilerneqarnerat

  • Avatangiisinut aniatitsinerit kuutsitsinerillu, ilanngullugu silaannarmut imaanullu.

Malittarisassat aamma avatangiisinik aqutsinermut alapernaarsuinermullu piumasaqaatinik imaqarput.

Atuagassiat allassimaffiat.

Naalakkersuisut tusarniaaviat.