Kuannersuarni suliniut - Inuiaqatigiinni piujuaannartitsineq pillugu nalilersuineq

Inuiaqatigiinni piujuaannartitsisumik ingerlatsinermik nalilersuinermi suliniutip pilersaarutaasup ingerlanneqarnerani inuiaqatigiinnut sunniutaasinnaasut suussusersineqassapput, nakkutigineqasapput iliuuseqarfigineqassallutillu. Nalunaarusiami (VSB) nassuiarneqarpoq suliniut inuiaqatigiinnut qanoq kingunerluuteqarsinnaanersoq iluaqutaasinnaasullu qanoq annertusarneqarsinnaanersut.

VSB-ip siunertai tassaapput:

  • Kalaallit Nunaanni, najugarisami innuttaasut attorneqartussat innuttaasullu ataasiakkaat suliassaq qanoq pissarsiaqarfigissaneraat, inuiaqatigiinnut kalaallinut ataatsimut isigalugu tamakkiisumik aamma kinaassusersiunngitsumik nassuiarneqarnissaa.

  • Ilaatigut paasissutissiiviusumik aamma tusarniaalluni ataatsimiisitsinerit kiisalu tusagassiuutit naleqquttut aqqutigalugit ingerlaavartumik oqaloqatigiinnikkut sulianillu ingerlatitsinikkut, suliniutip ingerlanerani siusissukkut innuttaasut soqutigisaqartullu attorneqartussat paasissutissinneqarnissaat peqataatinneqarnissaallu.

  • Suliniutip aallartinnissaa sioqqullugu inuiaqatigiinni tunngaviusumik paasissutissat (baseline) nalunaarsukkat pissarsiarineqarsinnaasut nutaajunerpaat aallaavigalugit pilersaarusiornermut, piujuaannartitsinissamut suliniutinut siunissamilu alapernaarsuinissamut tunngaviusussat nassuiarneqarnissaat.

  • Najukkami, nunallu sinneranut sunniutaasussat pitsaasut pitsaanngitsullu paasinarsisinniarlugit, paasissutissat aallaaviusussat katersorneqartut tunngavigalugit nalilersuinissaq.

  • Suliniutissap piffissarititaata iluani tamarmiusumi sunniutaasussat pitsaasut annertusarneqarnissaat aamma sunniutissat pitsaanngitsut annikillisinneqarnissaat, taamaaliornikkullu piujuaannartitsisussamik ineriartortitsinissamik qulakkeerinissaq.

  • Illoqarfiit, nunaqarfiit aamma inuiaqatigiit (innuttaasut) attorneqartussat, toqqaannartumik imaluunniit toqqaannanngitsumik sunnerneqarsinnaasut, suliniutip atuuffissaa tamakkerlugu, najukkami ilisimasat, misilittakkat, piorsarsimassuseq naleqartitallu atorlugit ataqqillugillu, isumaqarluartumik peqataatinneqarnissaat.

  • Suleqatigiinnissamut isumaqatigiissusiornissamut tunngavissamik aallartitsinissaq (IBA).

VSB-ip suliarineqarnerani Inuiaqatigiinni piujuaannartitsineq pillugu nalilersuineq (VSB) Aatsitassarsiornermi suliat ingerlasarnerinut tunngatillugu aamma VSB-imut nalunaarusiamik suliaqartarneq pillugu ilitsersuut.

Inuiaqatigiinni piujuaannartitsineq pillugu nalilersuineq - Teknikkitaqanngitsumik eqikkaaneq.

Naalakkersuisut tusarniaaviat.