Ingerlatsinissamut akuersissummik tunineqarnissaq pigiinnarnissaalu niuernikkut pilersaarutitsinnut qitiuvoq soqutigisaqartuutittalu soqutigisaannut naleqquttuulluni

Inuiaqatigiinnut qanimut attaveqarluarnissaq pingaaruteqarpoq, taamaattumik suliffeqarfik suleqatigiinnissamut piumassuseqarnermik najoqqussamik ilaatigut ukunannga tunngaveqartumik pilersitsisimavoq;

  • ataqqinninneq
  • siunnersortinneq
  • ammasuuneq
  • suleqataaneq
  • tapersersuineq

Aalajangiinitsinni tamani aningaasaqarnermut, avatangiisinut innuttaasunullu tunngasut ilannguttarnerisigut suliassatta aqunnissaanut oqimaaqatigiissaarisarpugut eqqarsarluaqqaartarlutalu.

Susassaqartunut tamanut siunissaq ungasinnerusoq eqqarsaatigalugu iluaqutaanissaa aammalu inuiaqatigiit avatangiisillu oqimaaqatigiissarnissaat anguniagaraavut.

Greenland Mineralsip takorluugaraa, atsitassarsioreernerup kingorna pitsaasumik kingornussassaqartitsinissaq.

Greenland Minerals najukkami inuiaqatigiinnut peqataanerminik tunniusimavoq. Soqutigisaqartuutivut tamarmik ukiorpassuarni peqataatittarsimavagut. Assigiinngitsutigut peqataatitsineq pisarpoq

  • Qillerilernerup nalaani qillerutinut tunngatillugu piginnaanngorsaanerit
  • Inuiaqatigiinnut ammasumik saqqummiussinerit
  • Soqutigisaqartunik isumasioqatigiissitsineq
  • Innuttaasunut ataatsimiisitsineq/oqallitsitsineq
  • Soqutigisaqartut ataasiakkaat ataatsimiinneri
  • Sisimiuni aatsitassarsiornermik ilinniarfimmi saqqummiinerit

Suliffeqarfiup iliuusaata pingaarnerpaat ilagisaat tassaavoq attaveqaqatigiinnerit pilersinnerisigut suliffimmik qaffakkiartornikkut niuernikkullu periarfissaqartitsinikkut inuiaqatigiinnik nukittuunik ineriartortitseqataanissaq.

Suliniuteqarfissami avatangiisinut mianerisaqarneq suliffeqarfitsinnut ilaavoq. Ingerlatatta kingunerisinnaasaat ilisimavagut taakkualu minnerpaaffissaaniitsinnissaat aalajangiiffigisatsinni tamani qitiutinneqassapput. Avatangiisinut ileqqulersuutitsinnik soorluttaaq suliatsinni tamani aqutsinermut erseqqissumik tunngavilersugaassaaq.

Pisussaaffilerpugut:

  • avatangiisitigut periutsitta misissornissaannik kajumissaarineq
  • piujuartitsisumik ineriartortitsinissaq siunertaralugu tunngaviit pitsaanerpaat naapertorlugit ingerlatsissallugit
  • Pinngortitami pissarititat naleqarluartut ataavartinnissaat piujuartitsisumillu atorneqarnissaasa qulakkeernera
  • eqqakkat annikinnerpaatillugit atoqqiinerillu amerlanerpaatillugit
  • ingerlatsinermiit isaasut aniasullu mianersortumik aqunnissaat
  • sumiiffiit ajoquserneqarsimasut uumassusillit ataqatigiiaarnerisa inuiaqatigiinnullu atugassiat piujuartutut taaneqaqqinnissaasa qulakkeernerat

Sulisorisatta najukkamilu inuiaqatigiit peqqissusasa innarliinnginnissaannut, pigissaarnissaannut piujuartitsinissamullu tunngaviupput. Suliffik isumannaatsoq peqqinnartumillu inuuneqarnissamut kajumissaarinikkut tunisassiornitsinnut aningaasatigullu anguniakkatsinnut naammassititsissapput.

Pisussaaffilerpugut:

  • sulisut isumannaatsumik periuuseqarlutik suleriaaseqarnissaat aqussallugit, ilinniartissallugit aqqutissiuutissallugillu
  • Sillimaniarnermut aqutseriaatsimik annertuumik piviusunngortitsinissaq
  • sulisutta najukkamilu inuiaqatigiit akornanni peqqinnartumik inuuneqarnissaq tapersersussallugu